Feto mak kriatura Maromak nian ne'ebé kria husi mane nia knosen sorin. Wainhira feto hari uma-kain ida liu husi relasaun biolojiku entre mane ho feto, feto kria família harmónia hodi fo jerasaun(oan) ba mane.Tuir mai ita sei ba hare hamutuk kontribuisaun feto nian iha parte 4:
1. Kontribuisaun Feto Iha Família
Iha família nia laran feto iha knaar hanesan fen, inan no oan-feto. Fen iha dever atu moris hamutuk ho nia laen iha tempu susar no kontente nia laran, wainhira feto iha parte inan, feto iha dever atu hanorin nia oan sira atu sai oan ne'ebe diak, ikus liu mak feto nu'udar oan-feto iha família laran nia dever atu tulun nia inan aman iha servisu uma laran nian.
Figura1- fontes husi Google ( Feto nu'udar Inan)
Figura2- fontes husi Google (Feto nu'udar Oan)
2. Kontribuisaun Feto Iha Sosiedade
Tempo agora, feto ho mane iha direitu hanesan ne'eduni feto iha oportunidade atu tuir aktividade saida deit mak hala'o iha sosiedade nia laran.Ita hotu hatene katak agora daudaun iha organizasaun oioin ne'ebe mak lidera husi feto sira, ezemplu hanesan organizasaun Rede Feto Timor-Leste no Fundasaun Alola, objetivu husi organizasaun sira nian ida deit mak atu halibur komunidade sira hodi kombate kontra violesia feto.
Figura3- fontes husi Google Timor-leste
Figura4- fontes husi Google Timor-leste
3. Kontribuisaun Feto Iha Politika
Atu dezenvolve nasaun ida presija iha igualdade jenéru tamba liu husi igualdade ida ema hotu-hotu iha oportunidade atu lamenta sira nia problema saida deit mak sira hasoru. Ho ida ne'e feto mos agora daudaun barak mak hola parte iha organisaun no partidu sira atu bele hasa'e sira nia kapasidade ba kunhesimentu politiku ne'ebe sira iha no hato'o mos sira ideias ba dezenvolvimentu rai laran.
Figura 5- fontes husi Google(Sra.Idelta Maria Rodrigues)
Figura6- fontes husi Google Timor-leste
Figura7- fontes husi Google Timor-leste
4. Kontribuisaun Feto Nian Iha Moris Empreza
Moris empreza sai hanesan moris ida ne'ebé atu hasa'e kualidade produsaun kada ema ida-idak nian. Iha knaar ida ne'e laos mane deit mak hakarak hatudu sira nia kapasidade maibe jenéru feto sira mos iha direitu atu partisipa. Timor-Leste mos sempre hala'o festival sira hanesan promosaun tais timor no husi promosaun hirak ne'e ita bele hare kreatividade kada feto ida-idak.
Figura8- fontes husi Google Timor-leste
Figura9- fontes husi Google Timor-leste
Diak ida ne'e mak esplikasaun jerál kona-ba kontribuisaun feto nian no iha blog ida ne'e atu fo lia menon ba feto sira hotu liu-liu ba ita Timor oan sira katak lalika tauk atu kompete ho jenéru mane sira maibe hatudu ita nia kreatividade ne'ebé ita iha ba ita nia nasaun doben no ba mundo tomak katak ita FETO MOS BELE.
